Мақсад: 

Кўп асрлик миллий ва диний қадриятларимизни асраб-авайлаш, дунё илм-фани ва маданияти ривожига улкан ҳисса қўшган аждодларимизнинг бебаҳо меросини ўрганиш, халқимизга азал-азалдан хос бўлган маърифатпарварлик, бағрикенглик, меҳр-мурувват, бунёдкорлик каби эзгу фазилат ва қадриятларни давом эттиришга кўмаклашишдир.

Вазифалар: 

фуқароларнинг диний, маънавий ва интеллектуал салоҳиятини оширишга қаратилган ташаббусларини қўллаб-қувватлаш, миллий ва диний қадриятларимизни асраб-авайлаш;

масжидлар ва диний таълим муассасаларининг биноларини қуриш, таъмирлаш, реконструкция қилиш, ободонлаштириш, моддий-техник базасини мустаҳкамлаш;

тарихий-меъморий аҳамиятга эга зиёратгоҳларни сақлаш, таъмирлаш, ободонлаштириш, фойдаланиш, фаолиятини тартибга солиш ҳамда уларнинг инфратузилмасини янада ривожлантириш;

диний таълим муассасалари, илмий-тадқиқот марказлари фаолиятини молиялаштириш, уларнинг профессор-ўқитувчилари, тадқиқотчилари, мутахассислари ва ўқувчи-талабаларини моддий ва ижтимоий қўллаб-қувватлаш;

масжидлар ва зиёратгоҳлар ходимларини, хусусан имом-хатиблар, имом ноиблари, мутаваллилар, муаззинларни моддий ва ижтимоий қўллаб-қувватлаш;

ислом илм-фани ва маданияти ривожига улкан ҳисса қўшган буюк аждодларимиз, замонамизнинг етук олим ва уламолари қаламига мансуб диний-маърифий асарларни чоп этиш ва аҳолига етказишга кўмаклашиш;

вақф, закот (фитр, ушр) ва хайрия мулкларига эга бўлиш ва уларни белгиланган тартибда диний – маърифий ва ижтимоий мақсадларга мувофиқ тасарруф этиш;

юртимиздаги муқаддас зиёратгоҳ ва қадамжоларнинг мусулмон дунёсидаги нуфузини янада ошириш, бу масканларга маҳаллий ва хорижий фуқароларнинг зиёратларини уюштириш, зиёратчилар учун зарур шароитлар яратиш ҳамда зиёрат билан боғлиқ расм-русмлар ўтказишга кўмаклашиш;

аҳолининг ижтимоий ҳимояга муҳтож қатламлари, шу жумладан имконияти чекланган шахсларни моддий ва маънавий қўллаб-қувватлаш;

жамоат фондига келиб тушадиган турли хилдаги тушумларнинг келиб тушиш ва сарфланиши бўйича алоҳида ҳисобини олиб бориш мақсадида вақф, закот (фитр, ушр) ва хайрия маблағларига алоҳида-алоҳида ҳисоб рақамлар ташкил қилиш, шунингдек, ушбу ҳисоб рақамлардаги маблағларни ўз мақсадига мувофиқ сарфланишини таъминлашдан иборат.

Филиаллар: 

1. Тошкент вилояти филиали
2. Жиззах вилояти филиали
3. Самарқанд вилояти филиали
4. Қашқадарё вилояти филиали
5. Сурхондарё вилояти филиали
6. Навоий вилояти филиали
7. Фарғона вилояти филиали
8. Андижон вилояти филиали
9. Наманган вилояти филиали
10. Бухоро вилояти филиали
11. Хоразм вилояти филиали
12. Қорақалпоғистон Республикаси филиали

Ҳамкорларимиз: 

Ўзбекистон мусулмонлари идораси

Ўзбекистон мусулмонлари идораси нашриёти

Ўзбекистон Ислом цивилизацияси маркази

Имом Бухорий халқаро илмий-тадқиқот маркази

Имом Термизий халқаро илмий-тадқиқот маркази

Ўзбекистон халқаро ислом академияси

Ўзбекистон ёшлар иттифоқи

KUN.UZ таҳририяти