Меҳр-мурувват, саховат ва инсон қадрини улуғлаш — халқимизнинг асрий қадриятларидир. Ана шу эзгу тамойиллар асосида жорий йилнинг 7 июль куни Самарқанд вилояти Нарпай туманида маънавий-маърифий ва хайрия тадбирлари билан уйғунлашган сайёр йиғилиш бўлиб ўтди.
Тадбирда вилоят ва туман раҳбарлари, вилоят бош имом-хатиби ўринбосарлари, «ВАҚФ» хайрия жамоат фонди Самарқанд вилояти филиали раҳбарияти, шаҳар ва туман бош имом-хатиблари, «Ҳаж–2026» зиёратчилари, маҳалла фаоллари ҳамда нуронийлар иштирок этдилар.
Сайёр йиғилиш доирасида «ВАҚФ» хайрия жамоат фонди вилоят филиали томонидан 50 нафар эҳтиёжманд оилага 11 турдаги озиқ-овқат маҳсулотларидан иборат 15 миллион сўмлик хайрия ёрдами топширилди. Шунингдек, кам таъминланган ва боқувчисини йўқотган оилалар ҳамда беморлар ҳолидан хабар олиниб, уларга меҳр-эътибор ва маънавий далда кўрсатилди.
Тадбир якунида масжидларда маънавий-маърифий суҳбатлар ўтказилиб, юртимиз тинчлиги, халқимиз фаровонлиги ва Янги Ўзбекистон тараққиёти йўлида самимий дуолар қилинди.
